By admin 
Omasipala baseKZN babhekene nezinkinga ngenxa yokungaphathwa ngendlela kwezimali
UNgqongqoshe wezeziMali uMnuz Enoch Godongwana ucele uhlu oluphelele lomasipala baseKZN abanezinkinga zokuphathwa kwezimali.
UNgqongqoshe wezeziMali uMnuz Francois Rodgers usecelwe ukuthi ahlonze omasipala esifundazweni abangase babhekane nezinyathelo zeSigaba 216(2).
Kubonakele ukuthi uxhaso lwabo lubanjwa ezingeni likazwelonke nelezifundazwe kuze kube yilapho besebenzisa ngendlela efanele.
Okhulumela uMgcinimafa eKZN, uNkosikhona Duma uthe uRodgers uxoxe namalungu esiShayamthetho sesiFundazwe ngalezi zindaba izolo.
Uthi lesi sinyathelo kuhloswe ngaso ukunciphisa ukusetshenziswa kwemali budedengu esifundazweni sonke.
“Ekoteni ephela mhla zingama-30 kuZibandlela wezi-2024, omasipala abahlanu KwaZulu-Natal bathole imali engaphezu kuka-R59 million yezindleko ezingagunyaziwe, ezingafanele, ezingenanzuzo nezimoshayo. Ikota ephela mhla zingama-31 kuNdasa wezi-2025, omasipala abayisithupha bathole imali engaphezu kuka-R73 million ngokungekho emthethweni.
“UNgqongqoshe uFrancois Rodgers uthi uMgcinimafa e-KZN uzoqhubeka nokuqapha nokweseka omasipala ukuze babhekane nezinselelo ezithinta ukusetshenziswa kwezimali okungagunyaziwe, okungemthetho nokumosha imali.”