By admin 
Kushone abantu abane engozini enyantisayo ebandakanya iloli netekisi ku-N3
Isitatimende sabezindaba nomphakathi sikaNgqongqoshe wezokuThutha nokuHlaliswa kwaBantu KwaZulu-Natal uMnuz Siboniso Duma
Ngisanda kuziswa yithimba lethu elizinikele nelisebenza ngempumelelo elivela kwaRoad Traffic Inspectorate ngengozi enyantisayo ebandakanya iloli netekisi ku-N3.
Ingozi yenzeke emizuzwini embalwa edlule.
Sicela abashayeli ababheke eGauteng ukuthi basondele kule ndawo ngokuqapha njengoba abezimo eziphuthumayo, iSouth African Police Service kanye ne-RTI basendaweni yengozi.
Kushone abantu abane kule ngozi enyantisayo ebandakanya iloli netekisi ku-N3 ngaseBergville Interchange.
Sidlulisa ukudabuka kwethu emindenini yabashonelwe.
Ngijube ithimba lomnyango ukuthi lithole imindeni yabashonelwe impilo yabo eshintshile ngenxa yale nhlekelele.
Ngempelasonto edlule, ngaso leso sikhathi, kube nengozi enyantisayo ebandakanya iloli nemoto encane phakathi kwe-Amatigulu neDokodweni.
Amalungu amahlanu omndeni owodwa nomshayeli weloli bashonele endaweni yengozi.
Kusasa sizobeka amalungu amahlanu omndeni owodwa eNdwedwe.
Nakuba siqinisekisa ukubonakala kwe-RTI emigwaqweni yethu, kubalulekile ukuqaphela ukuthi ukuphepha emgwaqeni kuwumthwalo wemfanelo ofanayo.
Ucwaningo luye lwafakazela ukuthi ukushintsha ukuziphatha kwabasebenzisi bomgwaqo kubalulekile ekwenzeni imigwaqo yethu iphephe. Eqinisweni, izibalo zikhomba ukuthi kuze kufike kumaphesenti angu-87 abantu abashona emigwaqeni ezweni lonke kungenxa yokuziphatha kwabasebenzisi bomgwaqo.
Okubalulekile, siqinisa isu lethu lokuphepha emgwaqeni elisekelwe yi-Four E’s:
●Ukuqinisa (ukuqinisekisa ukubonakala okuphezulu kokugcinwa komthetho),
● Imfundo (ukudala ukuqwashisa ngemikhankaso yokufundisa),
● Ubunjiniyela (ukuthuthukisa ingqalasizinda yomgwaqo ukuze kuqinisekiswe ukuphepha kwabashayeli)
●Ukuhlola (ukuhlola ukuthi yini esebenzayo nokuthi isindise izimpilo ezingaki).
Lombiko ukhishwe nguNgqongqoshe wezokuThutha nokuHlaliswa kwaBantu
Imibuzo
Ndabezinhle Sibiya | Umkhulumeli | 082 375 4742 | UNgqongqoshe wezokuThutha nokuHlaliswa kwaBantu