By admin 
Imali ekhokhelwe iTaxi Relief Fund ifinyelela cishe ku-R500m
ISouth African National Taxi Council (Santaco) ithi imali elinganiselwa kuhhafu webhiliyoni isikhokhelwe abashayeli bamatekisi ngesikhwama sokusiza amatekisi.
Yasungulwa ngo-2022 ukuxhasa imboni ngemuva kobhubhane lwe-Covid-19.
ISantaco ithi bangaphezulu kuka-70 000 abashayeli asebehlomulile.
Kubekwe u-R408 million owengeziwe kulo nyaka wezimali kulabo abangakakutholi ukwesekwa.
URebecca Phala womkhandlu wamatekisi uthi abashayeli, abafanelekile, banesikhathi kuze kube sekupheleni kuka-Okthoba ukuthi balethe izicelo zabo.
“ Inqubo yesicelo izovalwa ngomhla zingu-31 kuMfumfu 2025, futhi azikho ezinye izicelo ezizokwamukelwa ngemva kwalolu suku.
“Kuze kube manje, bangaphezu kuka-73,000 abashayeli asebehlomule ngemali engaphezu kuka-R414 million, kanti abaqeqeshiwe kuthiwa bathola u-R7,200 ilayisensi ngayinye yokusebenza, okuhlanganisa nalabo abahlinzeka ngezinsiza zokuthutha abafundi.”