By admin 
Kulimale abafundi abangamashumi amabili (20) engozini yetekisi eMpendle
Namhlanje ekuseni kulimale abafundi abangamashumi amabili ngesikhathi itekisi ebibathutha iphuma emgwaqeni iphonseka ebhulohweni laKwakheha eMpendle, KwaZulu-Natal.
Abafundi abalimele abaseMatomela High School, Luthando High School, naseSthunjwana Primary School. Abezimo eziphuthumayo baphuthume endaweni yesigameko, kanti bonke abafundi baphuthunyiswe ezikhungweni zezokwelapha eziseduze ukuze bathole ukwelashwa.
Ngokwemibiko yamaphoyisa, kuthiwa umshayeli wetekisi ugcwele amathafa.
