By admin 
Kuboshwe umsolwa ngokubulala abesifazane ababili eMamelodi
Amaphoyisa abophe umsolwa mayelana necala lokudubula abazala ababili uTshiamo Moramaga (22) noBaleseng Moramaga (21) eMahube Valley, eMamelodi East.
Lesi sigameko esibuhlungu senzeka ngeSonto, zingu-26 kuMfumfu-2025, ngesikhathi abesifazane ababili abasebasha betholakala belele eduze komunye nomunye eceleni komgwaqo eduze kwamagumbi ababewaqashile.
Ngemuva kokulunywa indlebe, amaphoyisa aphuthume abamba umsolwa okukholakala ukuthi nguyena owenze lezi zigameko zokubulala.
Uphenyo mayelana nezimo ngesigameko sokudubula luyaqhubeka.
