By admin 
Kuvalwe i-Standard Bank eMnambithi ngemuva kokubanjwa inkunzi ikhasimende ngaphakathi ebhange
Amaphoyisa abizwe eStandard Bank ngasekuqaleni kwanamuhla (November 10) kulandela ukubanjwa inkunzi kuhlonyiwe okwenzeka ngaphakathi ebhilidini.
Igatsha selivalwe umphakathi njengoba amaphoyisa enza uphenyo.
Ngokubika kweLadysmith Gazette intatheli yabo ifike endaweni yesigameko, izimoto zamaphoyisa bezipake ngaphandle kwebhange, amaphoyisa abonakale ekhuluma nofakazi nabasebenzi basebhange ngaphakathi emagcekeni.
Ngokusho kukanogada owayesemsebenzini ngaleso sikhathi, izigebengu bezihlomile, elinye lamakhasimende libanjwe inkunzi ngaphakathi ebhange.
Okwamanje akukacaci ukuthi zingaki izigebengu ezithintekayo nokuthi ikhona yini enye imali eyathathwa ebhange ngokwalo.
Akubikwanga muntu olimele.
Abaphathi be-Standard Bank abakakakuphawuli futhi igatsha lisavaliwe okwesikhashana ngesikhathi amaphoyisa enza umsebenzi wokuphenya ngaphakathi egatsheni.