By admin 
URamaphosa uthi uma ecelwa ukuthi esule esikhundleni,uzokwenza njalo ngisho nakusasa
UMENGAMELI we-African National Congress (ANC) uMnuz Cyril Ramaphosa useke waqunga isibindi kubagxeki bakhe bezepolitiki esigungwini esiphezulu seNational Executive Committee (NEC) ukuthi bamnikeze usuku okumele esule ngalo.
Embikweni oshubile wepolitiki, uRamaphosa utshele abagxeki bakhe ukuthi bayeke ukukhuluma ngokuphuma kwakhe emakhoneni amnyama njengamagwala.
URamaphosa utshele i-NEC ukuthi uma ecelwa ukuthi esule, uzokwenza ngisho kusasa.
Ukuphawula kukaMengameli we-ANC kuza ngemuva kwemibiko yabezindaba yokuthi uhlela ukwesula ngemuva kwengqungquthela ye-G20.
Ekhuluma ngesibindi, uRamaphosa, ebuka ikhomishana kaMadlanga yophenyo, unxuse ukuthi kucwaningwe indlela yokuphila kwawo wonke amalungu e-NEC, wathi i-ANC akumele neze iphathwe ngendlela yobuhlanya.