By admin 
Intombazane (16) Idutshulwe Yabulawa Yisoka Layo ePort Shepstone
Kubuhlungu ukubika ukuthi u-Slindile Cele (16), ofunda uGrade 10 e-Sozabe Secondary School, endaweni yakwaMadlala e-Port Shepstone, KwaZulu-Natal, udutshulwe yisoka lakhe okusolwa ukuthi ngu-Sabelo Madlala washona.
Ngokusho kwemibiko, amaphoyisa aqale umkhankaso wokumthungatha uSabelo ngemuva kwesigameko. Kuthiwa ngesikhathi eqhubeka nophenyo, amaphoyisa amthole eduze komfula, kanti naye kuthiwa wayesezidubulile washona.
Lesi sigameko sishiye umphakathi wasePort Shepstone uthukile futhi udumele, ikakhulukazi njengoba kuthinte umfundi osakhula.
Amaphoyisa kulindeleke ukuthi aqhubeke nophenyo ukuze kutholakale yonke imininingwane mayelana nalesi sigameko esibuhlungu.