By admin 
UVee Mthembu weMizwilili Ujoyina uKhozi FM Esikhundleni Sika DJ Sgqemeza
KwaZulu-Natal — Umsakazi odumile, UVee Mthembu, owaduma ohlweni lwamakhwaya ku-SABC1 Imizwilili uzongena esikhundleni sika DJ Sgqemeza kuKhozi FM, lapho ezoshayela khona uhlelo lwasekuseni ngokubambisana no Mroza.
Umthombo ongaphakathi kuKhozi FM uveze ukuthi izingxoxo zalesi sikhundla seziziphelile, futhi uVee uzothatha isikhala esivulekile emva kokuhamba kuka Sipho Sgqemeza Mbatha.
Kuyakhumbuleka ukuthi uSgqemeza kwakubikwa ukuthi wayefuna ukushayela uhlelo lwasebusuku, kodwa kwagcina kungavunyelwanga, okuholele ekuphepheni kobudlelwano bakhe nalo msakazo.
Ngaphezu kwalokho, uDudu Lady D Khoza uzoqala izinguquko ezimayelana nezinsuku azoshayela ngazo kuhlelo, okuqala ngo-April. Nakuba okuthile kungakacaci ngokuphelele, kuthiwa uLady D angase angene kuhlelo kabili noma kathathu ngesonto, ezinsukwini ezimfushane kunalezi abejwayele khona ngaphambili (kusukela ngoMsombuluko kuya kuLwesihlanu).
Futhi, sekuphelile ukubambisana kuka Bonga Sphongo Dladla, osebenze njengomdidiyeli technical producer kulo msakazo, okuyinto eyengeze ushintsho olukhulu kuhlelo lonke.
Lezi zinguquko zibonisa ukuthi uKhozi FM lulungiselela izinhlelo ezintsha ezibhekene nezidingo zabalaleli nabasezindaweni zomsakazo. UVee Mthembu, odume ngokuba nezinhlelo ezithandwayo kwiJozi FM, ulindeleke ukuthi alethe umoya omusha kuhlelo lwasekuseni oludumile emsakazweni.