By admin 
IPHoyisa” Ebeliphuzela iSavanna Lenza i-Content Ligxekwe Kakhulu Ezinkundleni Zokuxhumana
Kuvuke umsindo omkhulu ezinkundleni zokuxhumana ngentokazi ebizwa ngoZinhle, okuthiwa iziveze igqoke okubonakala njengeyunifomu yamaphoyisa, yenza amavidiyo iphinde iziphuzele i-Savanna.
Kule vidiyo, uZinhle ubonakale ephethe isibhamu futhi ezifakela izinhlamvu, ebukeka sengathi uzama ukuheha abantu ukuthi bajabulele icontent yakhe ku-TikTok.
Abasebenzisi bezinkundla zokuxhumana bakhale kakhulu ngalokhu, bethi le vidiyo ayifanele nhlobo futhi ingamfaka engozini yokulahlekelwa.
Abanye bacele ukuthi ayisuse ngokushesha le vidiyo, kodwa kubikwa ukuthi kuze kube manje akakayisusi.
Abanye basola ukuthi lo wesifazane kungenzeka ukuthi akalona iphoyisa langempela, njengoba kubonakala sengathi le yunifomu inkulu kakhulu kuye.
Abanye bakholelwa ukuthi mhlawumbe uyisebenzisa ngaphandle kwemvume, kanti kungenzeka ukuthi uthole le mpahla komunye umuntu – mhlawumbe othandana naye.
Lolu daba luvuse ingxoxo ngokusetshenziswa kabi kwemifaniswano yamaphoyisa nokubaluleka kokuziphatha ngendlela efanele ezinkundleni zokuxhumana.
