By admin 
Isoka libulale owesifazane eStanger ngenxa yokungafuni ukuhlukana naye
Umndeni ka-Happy Mthethwa (35), ongowase-Nkwezane, Stanger, ufuna ubulungiswa ngemuva kokuthi ebulawe kabuhlungu yisoka lakhe.
Kubikwa ukuthi lo wesifazane wagwazwa waze washona ngesikhathi esendlini kamngane wakhe, lapho kuthiwa isoka lakhe belingafuni ukwamukela ukuthi ubudlelwano babo sebuphelile.
Ubhuti kamufi uveze ukuthi uHappy ubesanda kubuya eholidini lePhasika, ezolungiselela ukubuyela eGoli, ngesikhathi kwenzeka lesi sigameko esibuhlungu.
Lesi sigameko siphinde sigcizelele inkinga enkulu yokuhlukunyezwa kwabantu besifazane kanye nodlame lobulili emphakathini.
Umndeni ucela ubulungiswa futhi uthemba ukuthi umthetho uzothatha izinyathelo ezifanele kulowo osolwa ngalobu bugebengu.
#JusticeForHappy #IsambaneNews #IzindabazeSambane