By admin 
Umndeni wamalungu amane ubekwe endlini yawo yokugcina ngemuva kwengozi eyenzeke eLimpopo.
Kube yisikhathi sobuhlungu obukhulu emphakathini wase Xikundu ngaphandle kwase Malamulele, lapho amakhulu abantu kanye nezikhulu zikahulumeni behlangene ukuzobeka ekhaya lokugcina amalungu amane omndeni wakwaMaswanganyi.
Inkonzo yomngcwabo ibibanjelwe e Mayeke Primary School, lapho umphakathi ubonakale ubumbene ukweseka umndeni osale ngemuva.
Kubikwa ukuthi amalungu omndeni ashone ngesikhathi ehamba esuka eGauteng eya eLimpopo ngaphambi kweholide lePhasika.
Le nhlekelele yenzeke ngesikhathi imoto abebehamba ngayo ishayisana nenye ku-N1 phakathi kwe Modimolle kanye ne Mookgophong ngoLwesithathu olwedlule.
Abakhulume emngcwabeni bagcizelele ukubaluleka kokuphepha emigwaqeni, ikakhulukazi ngezikhathi zamaholide lapho izingozi zivame ukwanda khona.
