By admin 
UPhakelumthakathi wenqabe u-R10 million abewunikezwa ukumisa umkhankaso wabokufika
UNkosikhona Ndabandaba owaziwa ngoPhakelumthakathi uthi uke waphakanyiselwa isamba esingu-R10 million semali ebikhokhwa ngokheshi ifakwe ebhokisini elimnyama, ngenhloso yokuthi ayeke umkhankaso awuchaza ngokuthi “anti-illegal foreigner campaign”.
UPhakelumthakathi uthi le mali bekuthiwa ayemukele ukuze ayeke ukukhuluma noma ukukhankasa ngodaba lwabantu bokufika abangenazo izimvume eNingizimu Afrika, kodwa yena uthi wenqabile wayibuyisela leyo mali, esho ukuthi akathengwa.
Uqhube wathi uphinde waphendula labo abebemletha nemali wathi kungcono leyo mali isetshenziselwe ukulungisa izakhiwo ezidilikayo endaweni yaseHillbrow, lapho ethi isimo sakhona sesisibi kakhulu futhi sidinga ukulungiswa ngokushesha.
Le nkulumo yakhe isiqale ukuxoxwa kakhulu ezinkundleni zokuxhumana, abanye bamncome ngobuqotho ngokwenqaba imali.