By admin 
“Asixolele ISilo” – UNgizwe Mchunu Unxusa AmaZulu Ukuthi Axolele UMisuzulu Ngemuva Kwevidiyo Esabalele
UMengameli wamabhinca uNgizwe Mchunu usenxuse isizwe samaZulu kanye nomphakathi waseNingizimu Afrika ukuthi baxolele iSilo uMisuzulu kaZwelithini kulandela ukusabalala kwevidiyo eyenze kwaba nenkulumompikiswano enkulu ezinkundleni zokuxhumana.
Ekhuluma ngalolu daba, uNgizwe uthe abantu kufanele bahloniphe isihlalo sobukhosi futhi bangavumeli isigameko esisodwa sidicilele phansi isithunzi seNgonyama. Uveze ukuthi wonke umuntu uyawenza amaphutha, yingakho ecela ukuthi iSilo sixolelwe.
Lokhu kulandela ukuputshuka kwevidiyo ekhombisa iSilo ngesikhathi sixabana noNdlunkulu uNomzamo Myeni. Ngemuva kokusabalala kwale vidiyo, isiGodlo sakhipha isitatimende lapho iSilo saxolisa khona esizweni samaZulu, eBandleni lamaNazaretha kanye kubo bonke abathintwe ngamazwi aso, sivuma ukuthi indlela esasikhulume ngayo ayihambisananga nesithunzi nobuholi obulindelekile eNdlunkulu.
Amazwi kaNgizwe Mchunu asuse imibono ehlukene ezinkundleni zokuxhumana. Abanye bavumelane naye, bethi ukuxolisa kweSilo kufanele kwamukelwe futhi isizwe siqhubekele phambili ngobunye.
#IsambaneNews #IzindabazeSambane #ngizwemchunu #isilo #misuzulukazwelithini