Umbiko Wokuqala We-Adhoc Committee Uthi Abukho Ubufakazi Obuhlanganisa uNgqongqoshe uSenzo Mchunu Nenkohlakalo 

Umbiko wokuqala (Draft Report) we-Ad Hoc Committee ePhalamende uthi abukho ubufakazi obufakazela ukuthi uNgqongqoshe Wamaphoyisa osamisiwe, uSenzo Mchunu, wayenesivumelwano senkohlakalo noma wayebandakanyeka nemigulukudu.

Ngokusho kombiko, nakuba kukhona ukukhathazeka mayelana nokuziphendulela kwabaphethe izikhundla zikahulumeni kanye nezindaba ezithinta ubuqotho, abukho ubufakazi obukhombisa ukuthi kwakukhona isivumelwano senkohlakalo noma imiyalelo yokusebenza neqembu lezigelekeqe.

Umbiko uthi:

“The report finds executive accountability and unresolved integrity concerns, but does not find a proven corrupt agreement or cartel instruction.”

Lokhu kusho ukuthi ikomidi lithole ukuthi kunezindaba ezisadinga ukucaciswa mayelana nokuphathwa kwezikhundla zikahulumeni, kodwa alitholanga ubufakazi obuqinisekisa ukuthi uMchunu wayenesivumelwano senkohlakalo noma wayeqondisa imigulukudu.

Lo mbiko usengowokuqala futhi usazolandelwa ezinye izingxoxo nezinqubo ngaphambi kokuba kuthathwe isinqumo sokugcina yiPhalamende.

Lolu daba luyaqhubeka nokudonsa amehlo njengoba abantu belindele umbiko wokugcina kanye nesinqumo esizothathwa mayelana nalezi zinsolo.