UNHLANHLA LUX UTHI “ANGEKE NGIVUME UKUTHI UPHAKELUMTHAKATHI ENZE UMATHANDA ESOWETO”‏

Owayengumholi we-Operation Dudula, uNhlanhla Lux, usephawule ngengxabano yakhe noPhakelumthakathi, ethi ngeke avumele ukuthi uPhakelumthakathi asuke KwaNongoma eze eSoweto azovala izitolo zabantu bokufika.

ULux uthi iSoweto iyindawo enabantu abangaphezu kwesigidi (million), ngakho akekho umuntu okufanele avele afike athathe izinqumo egameni lomphakathi, ethi uzovala izitolo zabantu bokufika.

Uthi ngeke avumele muntu ukuthi avale izitolo zabantu bokufika eSoweto, waze wagomela ngokuthi lokho kuzokwenzeka kuphela uma eseshonile.

Uphinde wathi akekho umuntu onikezwe igunya lokuthi avale izitolo zabantu bokufika eSoweto, ngakho-ke ngeke balalele iqembu labantu ababalelwa kwabangu-20 abebehambisana noPhakelumthakathi.

ULux uthi noma kungasuka ibhasi KwaZulu-Natal lize eSoweto lithi lizovala izitolo zabantu bokufika, yena ngeke akuvumele lokho.

Abanye baze bathi uLux “ufana nensipho engawashi sdalo eKZN,” bethi uzama ukukhombisa isibindi endaweni abangamboni enegunya kuyo.

Nokho, abanye bayamncoma uLux ngokuthi uvikela iSoweto futhi uthi izindaba zokuvala amabhizinisi kufanele zisingathwe ngendlela esemthethweni, hhayi ngokuthi abantu bafike bazithathele umthetho ezandleni.

KUTHINI UKUPHAWULA KWAKHO NGALOLU DABA? 👇🏾🤔