By admin 
UZUMA UTHI ABOKUFIKA NGEKE BAXOSHWE ENINGIZIMU AFRIKA
Umholi weMK Party, uMnu Jacob Zuma, usephinde wagcizelela ukuthi abokufika abahlala eNingizimu Afrika ngeke baxoshwe ezweni, kodwa kufanele bahlonzwe ukuze kwaziwe ukuthi bangobani.
UZuma uthe abanye babokufika sebeneminyaka eminingi behlala nabantu baseNingizimu Afrika, ngakho-ke akusona isixazululo ukubaxosha ezweni.
Uphinde wanxusa abantu abansundu ukuthi babumbane futhi basebenzisane, kunokuba bahlukane ngenxa yezinkinga ezikhona emphakathini.
Lezi zinkulumo ziza ngesikhathi udaba lokuthutheleka kwabantu abavela kwamanye amazwe luqhubeka nokuba ngolunye lwezinto ezidingidwa kakhulu eNingizimu Afrika.
UZuma useke wazwakalisa lo mbono phambilini, egcizelela ukuthi abokufika akufanele baxoshwe, kodwa kubalulekile ukuthi bahlonzwe ngokusemthethweni.