By admin 
Iphoyisa elibonwe lishayela imoto yamaphoyisa ngaphandle kwesicabha somshayeli libhekene nokuqondiswa izigwegwe.
Lizoqondiswa izigwegwe iphoyisa elithwetshulwe imoto ye-SAPS ebhalwe uphawu engenasicabha somshayeli, ngokusho komyalelo kaKhomishana wamaphoyisa KwaZulu-Natal.
Ividiyo, eshuthwe umshayeli, inokubukwa okungaphezu kwezinkulungwane ezingu-270 kuTikTok. Ikhombisa imoto yamaphoyisa aseDurban Central emgwaqeni onguthelawayeka.
Amaphoyisa athi imoto ibisengozini eDurban North — isicabha sikhishiwe ukuze kudedelwe iphoyisa lesifazane ebelivaleleke. Imoto ibisaqhubeka nokushayelwa – naphezu komonakalo.
Kodwa esikhundleni sokulandela umthetho olandelwayo, elinye iphoyisa layishayela layibuyisela esiteshini.
“Ukubeka impilo yakhe engcupheni nokubeka igama nesithombe sombutho wamaphoyisa ehlazweni. Yize imoto ibiphelezelwa enye imoto enamalambu aluhlaza engayivezi i-video, iqiniso limile ukuthi bekungafanele ukuthi imoto ishayelwe isesimweni esingafanele ukuba semgwaqeni.”