By admin 
Kuboshwe abantu abathathu ngecala lokutholwa ne-copper eyebiwe ngasePinetown
Abasolwa abathathu okusolwa ukuthi babanjwe nezintambo zethusi ezebiwe zenani lezinkulungwane zamarandi eduze kwasePinetown baboshwe.
OKlebe KwaZulu-Natal nezinye izikhulu zomthetho zisukumele phezulu ngoMsombuluko ngemuva kokulunywa indlebe ngeloli elithwele amakhebuli ethusi.
Okhulumela oKlebe esifundazweni uSimphiwe Mhlongo uthe bebehamba ku-M3.
“ Balibonile iloli, labe selimiswa. Balisesha bathola izintambo zethusi ezinenani lomgwaqo elilinganiselwa ku-R848 000. Abasolwa baboshwe ngokushesha, iloli labanjwa njengoba lalisetshenziswa ekwenzeni ubugebengu, kanti izodluliselwa kuleyo mpahla ukuze kuphenywe kabanzi.”
UMhlongo uthi bakwazile ukuthola abanikazi bamakhebuli ebiwe.
“Ochwepheshe abathintekayo, iTelkom kanjalo neTheku, babizelwe esiteshini samaphoyisa, babona ukuthi amakhebuli awabo.”
Laba bobathathu bazovela eNkantolo yeMantshi yasePinetown ngoLwesithathu.