URamaphosa umise inhloko yabashushisi eGauteng u-Andrew Chauke

URamaphosa umise inhloko yabashushisi eGauteng u-Andrew Chauke

URamaphosa ucele uChauke ukuthi aveze izizathu zokuthi kungani kungamele amiswe emsebenzini.

UMengameli Cyril Ramaphosa umise umqondisi wezokushushiswa komphakathi eNingizimu Gauteng u-Andrew Chauke kusukela ngaleso sikhathi kusalindwe uphenyo lokuthi ukulungele yini ukuphatha lesi sikhundla.

NgoMsombuluko ebusuku, iHhovisi likaMengameli lithe uRamaphosa uthathe lesi sinqumo ngokwesigaba 14(3) esifundwa no-12(6)(a) weNational Prosecuting Authority Act.

Izizathu
“Esecele u-Advocate Chauke ukuthi anikeze izizathu zokuthi kungani kungamele amiswe, uMengameli Ramaphosa unqume ukuthi ukumiswa kuyisinyathelo esifanele njengoba kusalindwe uphenyo,” kusho okhulumela uRamphosa uVincent Magwenya.

“UMengameli uRamaphosa utshele u-Advocate Chauke ngesinqumo sakhe ngokubhala phansi waveza ukuthi uMengameli kanye nomphakathi bazohlomula ngokuhlolwa okuzimele kwezindaba ezidinga ukucaciswa nokunokungqubuzana okuyiqiniso kuzo”.

Ukumangalelwa
UMagwenya uthe uRamaphosa ukholelwa ukuthi ukuqhubeka kukaChauke njengoMqondisi wezokuShushiswa koMphakathi – nakuba ebhekene namacala abucayi – kuzophazamisa isithunzi seNational Prosecuting Authority (NPA) wonkana.”