By admin 
Uvele enkantolo umfundisi oneminyaka engu-40 ubudala, owadlwengula intombazane eneminyaka engu-14 esontweni
Uvele eNkantolo yeMantshi yaseThohoyandou ngoMsombuluko umfundisi, 40, owaboshelwa icala lokudlwengula intombazane eneminyaka engu-14 ubudala esontweni eSibasa ekuqaleni kwale nyanga.
Ugcinwe esitokisini kuze kube umhla zingu-30 kuNtulikazi (July) ukuze aqhubeke nophenyo lwamaphoyisa.
Lesi sigameko senzeka ngoJulayi 9 lapho umsolwa kuthiwa wabiza ingane encane ukuthi ize emagcekeni esonto. Lapho isisulu sifika safica umfundisi eyedwa ehhovisi lesonto.
“Kusolakala ukuthi umsolwa wahluthulela umnyango waphoqa isisulu ukuthi senze ucansi ngaphambi kokusidlwengula ephindelela. Umsolwa wabe eseyalela isisulu ukuba sithule ngalesi sigameko,” kusho okhulumela amaphoyisa uCol Malesela Ledwaba.
Intombazane idalule lesi sigameko emndenini wayo ngoMgqibelo, umsolwa waboshwa ngeSonto.