Babalelwa ku-90 abantu ababoshiwe ngezivimbamgwaqo eKZN ngempelasonto ngokushayela bephuzile

Babalelwa ku-90 abantu ababoshiwe ngezivimbamgwaqo KwaZulu-Natal ngempelasonto ngokushayela bephuzile.

Umshushisi womphakathi e-KZN, amaphoyisa aphakathi kwababoshiwe ngokushayela bephuzile.

Okhulumela uMnyango wezokuThutha eKZN, uNdabezinhle Sibiya, uthe amalungu eRoad Traffic Inspectorate abenemisebenzi eKZN South Coast, Durban, Pietermaritzburg, Ladysmith naseMpangeni. USibiya uthi esivimbeni sakamuva ngoMgqibelo ebusuku kuboshwe abantu abangu-27. “Okushaqisayo ukuthi iphoyisa lesilisa lasePort Edward SAPS liboshwe ne-alcohol engu-1.05 mg/L – okuyisilinganiso esiphindwe kasithupha ngaphezu kwesilinganiso esivumelekile.

“Okuphoxile ukuthi iphoyisa lesifazane lasesiteshini samaphoyisa eSouthport ePort Shepstone nalo liboshwe notshwala obungu-0.85 mg/L – okuyisibalo esiphindwe kane ngaphezu kwesilinganiso esivumelekile. “Okubi kakhulu, eMnambithi, i-RTI ibambe umshayeli wetekisi owayephuzile enabagibeli abangu-24 emotweni yakhe.”

Abangu-54 baboshwe ngoLwesihlanu ebusuku, omunye wabo engumshushisi womphakathi wesifazane obhalise izinga lotshwala izikhathi ezine ngaphezu kwesilinganiso esivumelekile.

USibiya uthi bangu-160 abashayeli asebeboshiwe kulezi zimpelasonto ezintathu ezedlule.

Umthombo: https://www.facebook.com/share/p/1CGLvu9uUh/