IKaya 959 isixoshe uSol Phenduka

IKaya 959 isixoshe uSol Phenduka.

IKaya 959 isixoshe ngokusemthethweni umsakazi uSol Phenduka wohlelo lwasekuseni ngemuva “kwezinkulumo ezihlambalazayo” ezashiwo ngoMinnie Dlamini kuPodcast and Chill with MacG.

UPhenduka ubengumsakazi wohlelo lwasekuseni i#SizTheWorld noSizwe Dhlomo.

Esitatimendeni eside esikhishwe ngoMsombuluko, isikhulu esiphezulu seKaya 959, uDave Tiltmann, ukuqinisekisile ukuthi lesi siteshi siyinqamule inkontileka kaPhenduka ngokushesha ngemuva kokubuyekeza kwangaphakathi.

“I-Kaya 959 ayikwazi futhi ngeke ikuvune ukuphawula okwenziwe kwi-MacG Vodcast, lapho uSol Phenduka eyingxenye ebalulekile yethimba elethulayo,” kusho uTiltmann.

“Izinkulumo eziphambene nobulili ezishiwo ngomlingisi uMinnie Dlamini zazingamukelekile futhi azihambisani nenhlonipho okufanele itholwe abantu besifazane. Njengomhlinzeki wokuqukethwe wohlelo lwethu lwasekuseni oluhamba phambili, ukuqondana kwakhe namazwana ashiwo nge-vodcast akubonisi lokho esiyikho njengesiteshi, nokuthi abalaleli bethu balindeleni kithi.”

UPhenduka umiswe emsebenzini ngo-Agasti 20 “kusalindwe umphumela wohlelo lwangaphakathi”.