By admin 
Ugwetshwe iminyaka engu-20 ebhadla ejele owesilisa owazenza ummeli wabe eseba imali engaphezu kuka-R1 million kubantu abaswele.
UKagiso Selomane, 45, wakhohlisa amakhasimende efuna usizo ngedivosi nezindaba zamafa ngokuwathathela imali engenzi lutho. Uze wabayisa ezinkantolo ezingenalutho, eqamba amanga ngokuthi amacala abo ahlehlisiwe bebe bengakavulwa.
Esinye isisulu salahlekelwa u-R167,000 ngesehlukaniso esingakaze senzeke, kwathi esinye salahlekelwa u-R94,000 owawuhloselwe ifa likayise ongasekho. Inkantolo ithole ukuthi uhlela imikhonyovu ngenxa yomhobholo futhi wadala umonakalo omkhulu kulabo abamethembayo.
Akukhona okokuqala elahlwa yicala lokweba imali ecela ku-R800 000 kanti usabhekene nelinye icala lokukhwabanisa. Ubulungiswa bugcine bumtholile, futhi manje uzochitha amashumi amabili eminyaka evalelwe.
