UMkhwanazi wajoyina uMbutho Wamaphoyisa aseNingizimu Afrika ngoJuni 1993

ULt-General Nhlanhla Mkhwanazi wajoyina uMbutho Wamaphoyisa aseNingizimu Afrika ngoJuni 1993 futhi waqeqeshwa eKolishi Lamaphoyisa ePitoli.

NgoZibandlela 1993 wathunyelwa ophikweni olubizwa nge-Internal Stability Unit okwathi ngokuhamba kwesikhathi kwaba yiPublic Order Policing.

Ngo-1998 waqokelwa ukuqeqeshelwa iSpecial Task Force kwathi ngemuva kokuphasa wajoyina iSpecial Task Force eThekwini. NgoFebhuwari 2001 wathuthela ePitoli ukuyohola uphiko lwe-Pretoria Special Task Force futhi kusukela ngo-2001 kuya ku-2005 wasebenza njengePhini leNhloko ye-Special Task Force.

NgoFebhruwari 2005 waba nguMkhuzi Ophelele we-Special Task Force futhi waphinde waqokwa njengeNhloko Yezokusebenza Okukhethekile ebheka i-Air Wing, Special Task Force, i-NIU, i-Public Order, i-TRT kanye namanye amayunithi amaqhinga.

Ngokushesha ngemva kokusebenza izinyanga ezimbalwa njengeBamba likaKhomishana Kazwelonke. Emuva kwalokho kanye nekhefu elincane waba yiNhloko Yezokuphathwa Kwezindawo kwa-SAPS futhi kamuva waba yiNhloko Yezokuqeqesha ophikweni Lokuthuthukiswa Kwabasebenzi.

Phakathi kuka-2018 no-2019 usebenze KwaZulu-Natal njengebamba lesifundazwe ngaphambi kokuthi abuyele ekomkhulu ngaphansi kophiko lwe-Operational Response Services kwaze kwaba nguFebhuwari 2021. Ngo-April 2021 uqokwe njengoKhomishana wesiFundazwe saKwaZulu-Natal okuyisikhundla asenaso nanamuhla.