By admin 
Owesilisa oneminyaka engu-42 ubudala ugwetshwe odilikajele abahlanu kanye neminyaka engu-165 eyengeziwe ngamacala okudlwengula, ukuthumba nokubamba inkunzi esebenzisa isihluku.
INkantolo eNkulu yaseLimpopo ePolokwane igwebe uWilliam Ramoadi Minyuku (42) waseMshongo village eZebediela odilikajele abahlanu kanye neminyaka engu-165 eyengeziwe ejele.
Ubhekene namacala angu-23, okubalwa awokudlwengula, ukugqekeza, ukuthumba, nokubamba inkunzi esebenzisa isihluku.
Yize ebeliphika icala, ubufakazi buveza ukuthi phakathi kukaMashi 2011 no-Ephreli 2017, uMinyuku wahlasela izakhamuzi zasesigodini saseSehlabeng, Hlakano, naseMshongo.
Ugqekeze ezindlini wahlasela abesifazane nezingane emigwaqweni ebasabisa ngommese ngaphambi kokudlwengula nokubaphuca izimpahla ezifana nemali namaselula. Ukubusa kwakhe kokwesaba kwaphela lapho exhunyaniswa kahle namacala ngobufakazi be-DNA.
Inkantolo iyalele ukuthi izigwebo ziqale kanye kanye, okuholele ekutheni agwetshwe udilikajele.
UMinyuku uphinde wamenyezelwa ukuthi akakulungele ukuba nesibhamu ngokweSigaba 103 soMthetho Wokulawulwa Kwezibhamu 60 ka-2000.