By admin 
Kutholakale uhlaka lwamathambo omuntu eProtea Glen
Amaphoyisa aseqale uphenyo kulandela ukutholakala okushaqisayo kwamathambo okusolwa ukuthi amathambo omuntu eProtea Glen, eSoweto.
Ngokusho kukaNandipha Mbekwa ovela ehhovisi leKhansela lakuWadi 13, amathambo atholwe ngabasebenzi ababesika utshani kuThutlwa Street eProtea City.
UMbekwa uthe bathe uma befika endaweni yesigameko bathola into engathi wuhlaka lwamathambo owesilisa egqoke i-track top emnyama futhi egqoke ama-tekki e-All Star.
Amaphoyisa abizelwe ngokushesha endaweni yesigameko kanti asevule uphenyo.
Kunxuswa izakhamuzi okungenzeka ukuthi zinezihlobo ezidukile ukuthi zibikele amaphoyisa.
Umthombo: Jozi FM News