By admin 
Amalunga ophiko lwamaphoyisa e- Eldorado Park okuyi- Tracing Unit abophe umlisa oneminyaka engamashumi amane nanye ubudala (41) mayelana nokusolakala ngokubulala umfowabo .
Amaphoyisa bekade eqhuba umsebenzi wawo wokuqapha ubugebengu endaweni yase- Eldorado Park Extension 6 ngenkathi ethola isisulu silele phansi egcekeni .
Isisulu besikade sinamanxeba okugwazwa , kunommese esandleni saso sokudla .
Okhulumela amaphoyisa uFezeka Khobo uthe ngesikhathi abantu bomthetho benza uphenyo , omunye umlisa uqonde Kubo , wafika wavuma ukuthi ugwaze umfowabo.
“Izandla nezingubo zomsolwa kubikwa ukuthi bekugcwele igazi. Imbangela yokubulawa kwakhe ayikaziwa okwamanje. Umsolwa uboshiwe, ugcinwe e-Eldorado Park SAPS ukuze kuqhutshekwe nophenyo, kulindeleke avele enkantolo maduze,” kusho uKhobo.
Amaphoyisa anxusa noma ngubani ongaba nolwazi ngezenzo eziphambene nomthetho e-Eldorado Park ukuba athinte isiteshi ku-011 946 0300 noma 082 444 3001, noma angaziwa abhale inombolo ye-S
APS Crime Stop Hotline ku-08600 10111
Umthombo: https://www.facebook.com/share/p/163gVdcUHG/