By admin 
Kuminze Umfana Oneminyaka Eyisikhombisa (7) Ngesikhathi Ebhukuda Emfuleni Nabangani eThekwini
Isigameko esibuhlungu senzeke izolo ngoMgqibelo ngezithuba zika-14:00, lapho umfana oneminyaka eyisikhombisa, u Thabaleng Mofokeng (osesithombeni), kuthiwa uminzile ngesikhathi ebhukuda emfuleni uMngeni endaweni yase Ntuzuma – KZN.
IReaction Unit South Africa (RUSA) iphuthunyiswe namhlanje ngeSonto ukusiza emsebenzini wokuthola isidumbu. Ngenxa yokuthi indawo leyo ayifinyeleleki ngezimoto, amalungu eRUSA ahambe ngezinyawo cishe amakhilomitha amabili (2km) eya endaweni yesigameko.
Ubaba womntwana uthe uThabaleng, obefunda e Thobele Primary School e Newlands West – KZN, ubefike eholidini kulendawo wabe esenyamalala ngesikhathi ebhukuda nabangani bakhe.
Umshayeli nethimba le RUSA Helicopter bame ngomumo njengoba imizamo yokusesha nokuhlenga (Search & Rescue) iqhubeka nokuhlola indawo.
Sidlulisa amazwi enduduzo emndenini, kubangani nakubo bonke abathintekayo kulesi sigameko esibuhlungu.
