By admin 
Intombazane itholwe isishonile eStrand, eKapa
Intombazane itholwe isishonile emzini wendoda ehlangane nayo etavern endaweni yase Strand, eKapa.
Ngokombiko, le ndoda itshele amaphoyisa ukuthi ihlangane nowesifazane etavern yasendaweni, base behamba baya emzini wayo. Kuthiwa bachithe ubusuku belele lapho bezijabulisa.
Le ndoda iphinde yachaza ukuthi ekuseni izamile ukumvusa owesifazane kodwa akazange aphendule. Yabe seyithola ukuthi usedlulile emhlabeni, yabe isibika udaba emaphoyiseni.
Iphinde yathi ayilazi igama lowesifazane futhi ayazi nokuthi uhlala kuphi. Kamuva, amaphoyisa aqale uphenyo aphinde athungatha umndeni walentombazane, njengoba kukholakala ukuthi iyisakhamuzi sendawo yase Cape Town.
Amaphoyisa aqhubeka nophenyo ukuze kutholakale imbangela yokushona kwentombazane. Umphakathi ucelwa ukuthi noma ngubani onolwazi aphuthume azise amaphoyisa.
