By admin 
Owesilisa (48) Weba Imali Ka-RAF Engu-R15 Million
Owesilisa oneminyaka engu-48 ubudala uvele enkantolo iJohannesburg Magistrate’s Court izolo ngoLwesine, esolwa ngokweba imali engango R15 million ka-Road Accident Fund (RAF).
Umsolwa, uDavid Mashudu Netsitungulu (48), usolwa ngokuthi wakhwabanisa le mali eyayihloselwe ukukhokhelwa abantu abangu-11 ababesematheni ngenxa yezingozi zomgwaqo. Kuthiwa lobu bugebengu benzeka phakathi konyaka ka-2016 kuya ku-2020.
Ngokwemibiko, yonke le mali kuthiwa yangena ngqo kwi-akhawunti yomsolwa, kwathi labo bantu abangu-11 okwakufanele bakhokhelwe abazange bayithole imali yabo.
Icala lihlehliselwe olunye usuku njengoba uphenyo luqhubeka, kanti umsolwa usabhekene namacala okukhwabanisa nokweba imali.
