By admin 
Akukabikho lwazi olisha ngokunyamalala kuka-Andile Mngwevu eMozambique
Akukabikho lwazi olusha mayelana nokunyamalala kuka-Andile Mngwevu, oyi-MMC wezokuThutha e-Ekurhuleni eMozambique
UNdunankulu waseGauteng, u-Panyaza Lesufi, uthi usanalo ithemba njengoba imizamo yokumthola iqhubeka. Uveze ukuthi uhulumeni waseNingizimu Afrika unikeza iziphathimandla zase-Mozambique ithuba lokwenza uphenyo lwazo ngaphandle kokuphazamiseka.
Kuthiwa uMngwevu unyamalale ngesikhathi esohambweni lwangasese e-Chokwé, eningizimu yeMozambique.
Kubikwa ukuthi wabikwa njengonyamalele ngeSonto, ngemuva kokuthi imoto abehamba ngayo ikhukhulwe izikhukhula ngoMgqibelo odlule eChokwé. Kusukela lapho, imizamo yokumthola iyaqhubeka kodwa kuze kube manje akukabikho miphumela emisha.
Uhulumeni uthi uzoqhubeka nokubambisana nezikhulu zaseMozambique, kanti umphakathi ucelwa ukuthi uqhubeke nokuthandazela ukuphepha nokutholakala kukaMngwevu.