By admin 
Kusolwa Ukuphazamiseka Engqondweni Kumshayeli Owabulala Izingane Zesikole Ezingu-14
Abameli bakaAyanda ‘Biggie’ Dludla (22) sebefune ukuthi athole usizo lwengqondo ngemuva kwesigameko esashaqisa umphakathi e-Vanderbijlpark lapho kushone khona izingane zesikole ezingu-14.
UDludla ubhekene namacala angu-14 okubulala, amacala amane okuzama ukubulala, ukushayela budedengu kanye nokushayela ngaphandle kwemvume yokushayela esemthethweni.
Abameli bakhe batshele inkantolo ukuthi lo mlisa uphazamiseke kakhulu ngokwengqondo futhi uzisola kakhulu ngalokho okwenzeka. Bathi kuthiwa uhlezi ebalisela ezinye iziboshwa ngephutha alenzile futhi akhala kakhulu kuze kuse ekuseni ngenxa yosizi nokuziqonda ukuthi kwenzekeni.
Inkantolo izoqhubeka nokulalela leli cala ngomhlaka 22 kuMbasa 2026.