By admin 
Kutholakale isidumbu sowesilisa sesonakele ensimini yomoba eNanda
Inhlangano yezokuphepha iReaction Unit South Africa ithole ucingo lokucelwa usizo ngemuva kokuthi amalungu omphakathi ethole isidumbu eduze komgwaqo uJabu Ngcobo Road endaweni yase Tea Estate eNanda ntambama ngeSonto.
Amaphoyisa eReaction Unit afike endaweni yesigameko cishe ngo-16:25 lapho ethole khona isidumbu sowesilisa ongaziwa, okukholelwa ukuthi uneminyaka ephakathi kwama-30. Isidumbu sitholakale *ensimini yomoba futhi besesisesimeni sokonakala kakhulu.
Ngokubheka kokuqala, kukhona okukhomba ukuthi lo wesilisa kungenzeka ukuthi uklinyiwe, kodwa lokhu akukaqinisekiswa okwamanje njengoba uphenyo lusaqhubeka.
Kuphinde kwatholakala itarpaulin eduze kwesidumbu, okukholelwa ukuthi ingase ihlobane nalesi sigameko.
Kuze kube manje ukuthi ungubani umufi akukaziwa, kanti amaphoyisa aseqalile uphenyo ukuze kutholakale ukuthi ungubani nokuthi kwenzekeni.
