By admin 
URamaphosa uthi abantu basayithanda i-ANC kodwa kudingeka kubuyiswe ukwethenjwa 💛💚🖤
UMongameli waseNingizimu Afrika futhi ongumholi we-African National Congress, uCyril Ramaphosa, uthi abantu abaningi basayithanda kakhulu i-ANC ukudlula amanye amaqembu ezepolitiki.
URamaphosa uveze ukuthi inkinga enkulu ukuthi i-ANC kwesinye isikhathi yenza izinto ezenza abantu bayingabaze, kodwa uthe leso simo singalungiseka uma iqembu lisebenza kanzima ukubuyisa ukwethenjwa komphakathi.
Ufanise isimo nobudlelwano bothando, wathi kufana nomuntu oke wathandana naye kodwa kwaba khona ukungaboni ngaso linye, kube sekudingeka umuntu enze konke okusemandleni ukubuyisa uthando nokwethembana.
URamaphosa uthe i-ANC kumele isebenzise isu elifanayo, okungukuthi yenze konke okusemandleni ukubuyisa uthando nokwethembeka kubantu baseNingizimu Afrika.
Le nkulumo uyisho ngesikhathi ehambele ingqungquthela yesifundazwe ye-ANC e Limpopo, lapho kulindeleke ukuthi akhulume khona egameni leKomidi Eliphezulu Likazwelonke (National Executive Committee).
Le nkulumo iza ngesikhathi iqembu lizama ukuqinisa ubudlelwano balo nabavoti, ikakhulukazi ngesikhathi lapho kunokukhathazeka ngokusebenza kukahulumeni kanye nezinkinga ezibhekene nezakhamuzi.
Abahlaziyi bezepolitiki bathi ukubuyisa ukwethenjwa komphakathi kuzodinga izinguquko ezibonakalayo kanye nokusebenza ngokuzimisela ekubhekaneni nezinselelo ezithinta izimpilo zabantu.
