By admin 
Amaphoyisa Avule Icala Lophenyo Ngokutholakala Kwesidumbu SikaJayden Adams
Amaphoyisa aseCape Town avule icala lophenyo (inquest) kulandela ukutholakala kwesidumbu somdlali weBafana Bafana neMamelodi Sundowns, uJayden Adams, oneminyaka engu-25 ubudala.
Ngokusho komkhulumeli wamaphoyisa, uCaptain FC van Wyk, isidumbu sika-Adams sitholwe ngoMgqibelo ekuseni endlini eseMilitary Road, eSchotsche Kloof, eCape Town. Amaphoyisa athe uphenyo seluqalile ukuze kutholakale izimo eziholele ekudluleni kwakhe emhlabeni.
Kuze kube manje, imbangela yokushona kuka-Adams ayikamenyezelwa, kanti amaphoyisa anxuse umphakathi ukuthi ugweme ukuqagela njengoba uphenyo lusaqhubeka.
Ukudlula emhlabeni kuka-Adams kushiye izwe lonke lishaqekile. Lo mdlali ubengomunye wezinkakha zebhola laseNingizimu Afrika, edlalela iMamelodi Sundowns futhi emele iBafana Bafana kwiNdebe YoMhlaba ka-2026.
Imiyalezo yenduduzo iyaqhubeka nokungena ivela kubalandeli, ozakwabo, izinhlangano zebhola kanye nabaholi bezwe, bonke bekhumbula u-Adams njengomdlali onekhono elikhulu obekusalindelwe okuningi kuye.
#IsambaneNews #IzindabazeSambane #news #izindaba #jaydenadams