By admin 
Isilo uMisuzulu kaZwelithini Sithumele Ithimba Eliyoshweleza KuNyazi LwamaNazaretha Ngemuva Kokusabalala Kwevidiyo.
Ithimba elihlanganisa abaNtwana baseNdlunkulu bezindlu ezahlukene, uNdunankulu kaZulu uMfu. Thulasizwe Buthelezi, iNkosi Zuzifa kaMangosuthu Buthelezi kanye nomlomo weNgonyama Ibamba Bukhosi bakwaButhelezi, uMpikayise Buthelezi, lihambe layoshweleza kuNyazi lwamaNazaretha.
Leli thimba lithunyelwe yiNgonyama uMisuzulu kaZwelithini ngenhloso yokuyocela uxolo nokulungisa ubudlelwano kulandela ukusabalala kwevidiyo edale umsindo ezinkundleni zokuxhumana.
Kule vidiyo, kubonakala iSilo uMisuzulu kaZwelithini kanye noNdlunkulu uNomzamo MaMyeni, lapho ISilo sibize uShembe ngesiwula, okudale ukukhathazeka nokusabela okuhlukahlukene kumalungu eBandla lamaNazaretha kanye nomphakathi.
Ukuhambela kwalelithimba kubonakala kuyimizamo yokwakha ukuthula, ukubuyisana nokugcina ubudlelwano obuhle phakathi koBukhosi bukaZulu neBandla lamaNazaretha.
#IsambaneNews #IzindabazeSambane #amanazaretha #misuzulukazwelithini #shembe