By admin 
UNGIPHENI NGCOBO, 75, UTHI UHLOSE UKUDLULA EMHLABENI EYITSHITSHI
Ushiye abaningi bebambe ongezansi uNgipheni Ngcobo, oneminyaka engu-75, ngemuva kokuveza ukuthi useyisitshitshi futhi uhlose udlula emhlabeni engakaze aphule ubuntombi bakhe.
Ekhuluma nabezindaba, uNgipheni uthe usazimisele ngokuma ezwini lakhe futhi akaboni ukuthi usazoke aphume ebuntombini, njengoba ethi iminyaka isihambile engakathathwa.
Uthi impilo yakhe uyiphile ngendlela yakhe futhi akazisoli ngesinqumo asithathile sokugcina ubuntombi bakhe kuze kube manje.
Ngakolunye uhlangothi, uNgipheni uveze ukuthi ngenyanga ezayo ufisa ukuya eMkhosini woMhlanga, kodwa uthi angathanda ukuthi uhulumeni amsize ngezinto zokuhamba kanye nendawo yokulala.
Uthi ngenxa yeminyaka yakhe, sekunzima kuye ukuhamba ngezithuthi zomphakathi, yingakho ecela usizo ukuze akwazi ukufika kulo mcimbi.