By admin 
Usinde befuna ukumsoconga umholi weqembu le-Action SA eKZN uZwakele Mncwango
Kumisiwe ukwethulwa kwegatsha le-ActionSA kuWadi 25 (Kennedy Road) eThekwini ngemuva kwesigameko sokudubula lapho isibhamu siqhume kathathu.
Ukwethulwa komcimbi bekuhanjelwe nguMengameli weqembu, uMnuz Herman Mashaba kanye noMholi waKwaZulu-Natal, uMnuz Zwakele Mncwango. Umdubuli wehlulwe ngamandla, waphucwa izikhali wabe esenikelwa emaphoyiseni aseSydenham.
UMncwango ubhekene nezinsongo ngemuva kokuvundulula inkohlakalo nokuveza ukungawazi umsebenzi eMnyangweni wezeMpilo esifundazweni ngaphansi kukaNgqongqoshe uNomagugu Simelane-Mngadi, kanye noMnyango wezeMfundo ngaphansi kukaNgqongqoshe uSipho Hlomuka, bobabili be-ANC.
UMncwango uphinde wasatshiswa ngesikhathi ekhuluma ngenkohlakalo eyihlazo kumasipala weTheku (ANC) nakumasipala wesifunda saseZululand (IFP) enyakatho yeKwaZulu-Natal
UMncwango uqinisekise lezindaba ekhasini lakhe likaFacebook namuhla:
UMengameli weqembu le-Action SA UMnu Herman Mashaba uyaphawula ngaloludaba