By admin 
Kubanjwe inkunzi imoto yemali eNew Germany
Ngemuva nje kuka-07:30 ebusuku ngoLwesine kusihlwa Abezimo eziphuthumayo bakwa-ALS baphendule izingcingo eziningi zokugetshengwa kweCash In Transit kuShepstone Road eduze noHendred Road eNew Germany, ePinetown eNtshonalanga yeTheku.
Abezimo eziphuthumayo bafike endaweni yesigameko balinda i-SAPS ukuthi ivikele indawo yesigameko ngaphambi kokufika endaweni yesigameko. Abezimo eziphuthumayo bathole indawo yesigameko isabalele cishe ku-300metres base behlola indawo yesigameko ngokushesha.
Kusolwa ukuthi iqulu lamadoda lihlasele imoto yemali ngaphambi kokuthi livulele ngenhlamvu emotweni nabashayeli abebedlula. Abezimo eziphuthumayo bathole ukuthi kulimale abantu abayisithupha.
Abezimo eziphuthumayo bathole owesilisa oyedwa okukholakala ukuthi ngumgibeli emotweni ubenamanxeba amabili okudutshulwa esiswini futhi usesimweni esibucayi. Uhlolwe abe-ALS Paramedics kanye ne-EMRS ngaphambi kokuba ahanjiswe esibhedlela esiseduze ukuze athole ukunakekelwa okuphuthumayo abekudinga.
Abanye abane okuhlanganisa nezikhulu ezimbili zonogada bathole imihuzuko emincane kuya kwemaphakathi kanti uma sebezinzile endaweni yesigameko baphuthunyiswe esibhedlela ukuze bathole ukunakekelwa okwengeziwe. Ilungu leSouth African Police Services nalo lithole inxeba lokudutshulwa laphuthunyiswa esibhedlela esiseduze ukuze lithole ukunakekelwa ngaphambi kokuthi kufike abezimo eziphuthumayo.
