By admin 
UMax Makhanya Uthi UShembe Kumele Ayoxolisa ESilweni Ngokuthi Abe Yisilima!
UMax Makhanya usephinde wavusa inkulumompikiswano ngemuva kokuthi ethe uNyazi LweZulu kumele liyoshweleza eNdlunkulu futhi luxolise kwiSilo uMisuzulu kaZwelithini.
Ngokusho kukaMakhanya, zimbili kuphela izinto ezisalele uNyazi LweZulu. Uthi okokuqala kufanele athathe izinkomo ayozikhonza eNdlunkulu, bese exolisa kulokho uMakhanya akubiza ngokuthi “ubulima” obabonwa yiSilo kuye.
UMakhanya uthe iSilo sesakusho obala ngesikhathi sevidiyo eyasabalala ezinkundleni zokuxhumana lapho sabiza khona uShembe ngesilima.
“ISilo sibhongile, sabiza uShembe ngesilima. Manje uShembe kufanele ayoxolisa eSilweni ngokuthi abe yisilima,” kusho uMakhanya.
Le nkulumo iza ngemuva kokusabalala kwevidiyo ekhombisa iSilo uMisuzulu kaZwelithini ngesikhathi kunokungaboni ngaso linye phakathi kwaso noNdlunkulu uNomzamo Myeni. Kuleyo vidiyo, iSilo sizwakala sikhuluma ngamazwi aqondiswe kuNyazi LweZulu, okwadala ukusabela okukhulu emphakathini.
Ividiyo esigabeni sokuphawula
#IsambaneNews #IzindabaZeSambane #KingMisuzulu #NyaziLweZulu #MaxMakhanya