By admin 
💔 OWESIFAZANE ONEMINYAKA ENGU-31 UDUTSHULWE WABULAWA YISOKA LAKHE
Kuyadabukisa ukubikwa kokushona kuka Likhona Sobhijasi, 31, odutshulwe wabulawa yisoka lakhe endaweni yase Kagiso, eGauteng.
Ngokwemibiko esabalele ngalesi sigameko, uLikhona nesoka lakhe kubikwa ukuthi bake baba nengxabano eyagcina isiphenduke impi.
Kuthiwa umngani wabo wangenelela wazama ukubalamula, kwathi ngemuva kwalokho isoka likaLikhona laqala ukuqoqa impahla yalo, kubukeka sengathi selifuna ukuhamba.
Kodwa kubikwa ukuthi lelisoka lakhipha isibhamu, labe selidubula uLikhona amahlandla amabili, ngaphambi kokuba libaleke endaweni yesigameko.
Bekungakabikwa ngokuboshwa komsolwa, kanti ubesafunwa ngamaphoyisa.
Sidlulisa amazwi enduduzo emndenini, kubangani nakubo bonke abebesondelene noLikhona.
Lala ngokuthula Likhona. 🕊️💔
#IsambaneNews #IzindabazeSambane #news #izindaba #murder