By admin 
UMFUNDISI VUSI DUBE UTHI NIMTHUKELA UKUTHI UTHANDA I-ANC.
UMfundisi uVusi Dube usephendule abantu abamgxekayo ngenxa yokuthi uyilungu nomsekeli we-ANC, ethi akaboni ukuthi kungani umuntu kufanele athukwe ngenxa yokuthanda iqembu lakhe lezepolitiki.
UDube uthe:
“Manje umuntu nimuthukela ukuthi uthanda iNhlangano yakhe!! ANC is my choice and my political home!!”
Le nkulumo iza ngesikhathi uDube engomunye wabantu abasohlwini lwabangase babe ngabameli be-ANC esikhundleni sobuMeya eMsunduzi ngemuva kokhetho lohulumeni basekhaya luka-2026. I-ANC isanda kuveza uDube njengomunye wabantu abayisikhombisa abasohlwini lwabangase bahole umasipala waseMsunduzi.
UDube, oseke waba yi-MPL KwaZulu-Natal, ubonakala engazisoli ngokuma kwakhe kwezepolitiki, ethi i-ANC iyisinqumo sakhe futhi iyikhaya lakhe kwezepolitiki.
Lokhu sekuvuse ingxoxo ezinkundleni zokuxhumana, njengoba abanye bembuza ukuthi kungani abafundisi bengena kwezepolitiki, esikhundleni sokuthi ngabe baqhuba umsebenzi kankulunkulu esontweni.