“REST IN PEACE THABANI HLATSHWAYO” — KUVEZA UMPHOFETHI MTHETHWA

“REST IN PEACE THABANI HLATSHWAYO” — KUVEZA UMPHOFETHI MTHETHWA 

UMphofethi Mthethwa usekhiphe isexwayiso esiqondiswe kuThabani Hlatshwayo, odume kakhulu ezinkundleni zokuxhumana, ikakhulukazi kuTikTok, lapho evame khona ukuphawula nokugxeka abantu abahlukene.

UMthethwa uthi lesi yisexwayiso sakhe sokugcina kuHlatshwayo, emcela ukuba aqaphele indlela aziphatha ngayo ezinkundleni zokuxhumana.

UMphofethi uthi ubona uHlatshwayo engena ebhokisini lomngcwabo, wathi akakholelwa ukuthi isikhathi sakhe sokushona sesifikile, kodwa uma eqhubeka nalokho akwenzayo, “uyazifinyeza izinsuku zakhe zokuphila emhlabeni.”

Uphinde wathi uHlatshwayo kufanele acele inyanga yakhe, uKing Bhaka, ukuthi asuse lokho akubiza ngokuthi “umhlolo” omzungezile, ethi isimo sakhe sesibi futhi “sibiza ukufa”.

UMthethwa uphinde wathi baningi abantu eNingizimu Afrika abangajabule ngoHlatshwayo, wathi ngisho namathongo akhe awajabule ngaye. Ube esemxwayisa ukuthi aqaphele futhi abheke lapho ehamba khona.

Uphinde wanxusa nabalandeli bakaHlatshwayo ukuthi bangamubuki nje kuphela, kodwa bamkhuze ngendlela aziphatha ngayo.

“Ngicela iziwengu zikaHlatshwayo lezi ezimbiza ngo-Putin ukuba zimkhuze ngoba kubi azobhekana nakho,” kusho uMphofethi Mthethwa.

🎥 Buka i-video kaMphofethi Mthethwa 👇

https://ezendawo.blogspot.com/2026/08/umphofethi-mthethwa-uthi-sekuseduze.html

#IsambaneNews #IzindabazeSambane #news #izindaba #ThabaniHlatshwayo