By admin 
USOLWA NGOKUSEBENZISA UMUTHI UKUZE ASATSHWE UTHABANI HLATSHWAYO OTHUKA ABANTU EZINKUNDLENI ZOKUXHUMANA
UThabani “King Putin” Hlatshwayo, osedume kakhulu ezinkundleni zokuxhumana ngokukhuluma nangokuthuka abantu abahlukene, kubikwa ukuthi usephinde wabhekana nokusolwa nokugxekwa ngenxa yezinkulumo zakhe.
Kwezinye izinkulumo ezisabalele ezinkundleni zokuxhumana, kusolwa ukuthi usebenzisa umuthi ukuze uThabani “asatshwe”.
UThabani usezakhele igama ngokuthi kwesinye isikhathi angenelele ezindabeni zabantu abathi bakweletwa imali, ezama ukubasiza ukuthi bathole izimali zabo. Kodwa indlela akhuluma ngayo ezinkundleni zokuxhumana nayo imfake ezingxabanweni nabanye abantu.
UThabani usuthuke abantu abahlukene ezinkundleni zokuxhumana, okuhlanganisa Inkosi uMalusi Zondi, Isilo uMisuzulu kaZwelithini, Umholi webandla lamaNazaretha uNyazi Lwezulu, obenguNdunankulu wesiZulu, uThulasizwe Buthelezi,Ngizwe Mchunu kanye nabanye.
Uphinde waba sematheni ngenxa yezinkulumo zakhe ezimayelana noMduduzi “Nyazilwezulu” Shembe. Isolezwe labika ngo-Agasti 2026 ukuthi uThabani wayesolwa ngokuthuka uNyazilwezulu ezinkundleni zokuxhumana, yena wathi kunezizathu ezenza akhulume ngaye esidlangalaleni.
Kamuva, iSunday Tribune yabika ngezinsolo zokuthi uThabani wayethi kukhona abantu abamnika imali noma abamkhuthaza ukuba ahlasele umholi webandla lakwaShembe. UThabani yena wathi ufuna ukuveza amagama alabo abathi bayamkhokhela.
Njengamanje, izinkulumo ezisabalele ezinkundleni zokuxhumana zithi uThabani ubhekene nokusongelwa,ukuze abulawe njengoba kubikwa ukuthi abantu abaningi sebekhathele indlela aziphatha ngayo.