Isoka (32) ligwazwe labulawa yintombi yalo ngemuva kokwala intombi

Kube nesigameko esibuhlungu eMandela Informal Settlement, eKatlehong, kulandela ukubulawa kowesilisa oneminyaka engu-32 ubudala, uKhanyiso Steve Nkomombili, okusolwa ukuthi ugwazwe wabulawa yintombi yakhe.

Lesi sigameko kuthiwa senzeke ngoLwesihlanu, mhla zingu-23 kuMfumfu.

Ngokwemininingwane evela emndenini kamufi, uSteve ubefuna ukuqeda ubudlelwano bakhe nentombi yakhe, kodwa intombi yakhe kusolwa ukuthi ibifuna imali engu-R30 000 ukuze ivume ukumdedela.

Kubikwa ukuthi isimo sigcine sishubile kwaze kwagcina kushone uSteve kulesi sigameko esishiye umndeni wakhe nabantu abebemazi bekhala izinyembezi.