UKHOZA UNXUSA ABALANDELI BEBHOLA UKUTHI BAPHUME NGOBUNINGI BAYOVOTA NGOLOLWESITHATHU

Usihlalo wePremier Soccer League (PSL), uDkt Irvin Khoza, usecele wonke amakilabhu angu-32 angaphansi kwePSL kanye nabalandeli bebhola ukuthi babambe iqhaza okhethweni oluzoba ngoLwesithathu, mhla ka-4 kuLwezi (November) 2026.

UKhoza unxuse abathandi bebhola ukuthi baphume ngobuningi babo bayovota, egcizelela ukubaluleka kokuthi wonke umuntu abambe iqhaza kulolu hlelo lokuvota.

Usho lokhu ngesikhathi ekanye noMengameli we-African National Congress (ANC), uCyril Ramaphosa, emkhankasweni wokukhuthaza umphakathi ukuthi ubambe iqhaza okhethweni.

Lesi sicelo siza ngesikhathi amaqembu ezombusazwe eqhubeka nemikhankaso yawo yokunxenxa abavoti ngaphambi kosuku lokhetho.