By admin 
URamaphosa uthi i-ANC iyona themba lempilo engcono kubantu baseNingizimu Afrika
UMengameli we-ANC, uCyril Ramaphosa, uthi iqembu lakhe yilo elimele ithemba lekusasa elingcono kubantu baseNingizimu Afrika.
URamaphosa uthi abantu akumele bavumele ukudidiswa ngamanye amaqembu ezepolitiki, wathi i-ANC yiqembu elinomlando wokulwela inkululeko yabantu abamnyama kuleli.
Uqhube wathi abantu kufanele bakhumbule indima eyabanjwa yi-ANC emzabalazweni wenkululeko, njengoba izwe selibhekene nokhetho lohulumeni basekhaya oluzoba mhla zingu-4 kuNovemba 2026.
Lo mholi unxenxe abalandeli be-ANC nabavoti ukuthi baqhubeke nokweseka leli qembu okhethweni oluzayo.
Amazwi kaRamaphosa eza ngesikhathi amaqembu ezepolitiki eqhuba imikhankaso yokunxenxa abavoti ukuthi bawasekele okhethweni lohulumeni basekhaya.