KUSHONE  INDODA YASE-NIGERIA ISANDA KUSHADA NABESIFAZANE ABABILI NGOSUKU OLULODWA

Kugcwele usizi ezinkundleni zokuxhumana kulandela ukubikwa kokushona kukaJamiu, usomabhizinisi nosokhemisi waseNigeria owake wahlala eNingizimu Afrika, oshone ngemuva kokushada nabesifazane ababili ngosuku olulodwa.

Ukushona kwakhe sekushiye umndeni, abangani nabantu abebemlandela ezinkundleni zokuxhumana beshaqekile futhi bedlulisa amazwi enduduzo.

Izindaba zokushona kukaJamiu zimenyezelwe nguMC Ajina, owaziwayo ngokuba ngumphathi wezinhlelo zemicimbi, ekhasini lakhe le-Instagram ngeSonto, mhla lu-1 kuNovemba 2026.

Ngokomyalezo wakhe, uJamiu kuthiwa udlule emhlabeni ngezikhathi zasebusuku ngoLwesihlanu, mhla zingu-31 ku-Okthoba 2026, endaweni yase-Okengwe Ehi.

Nokho, imbangela yokushona kwakhe ayikadalulwa ngokusemthethweni, kanti nezimo eziholele ekudluleni kwakhe emhlabeni azikacaci.

UJamiu wayeke waba sematheni ngesikhathi indaba yokushada kwakhe nabesifazane ababili ngosuku olulodwa isabalala ezinkundleni zokuxhumana, yavusa imibono nezingxoxo ezahlukene.